蠔灘 (已結業)

今日请假同男朋友去完海洋公园庆祝佢正日生日之后，夜晚系香港仔拣左间有得食佢钟意既生蚝既餐厅食饭。我地叫左一打生蚝、蟹糕烩意大利饭、黑松露蟹肉日本年糕，本身想叫西班牙油炸鬼作为甜品，点知已经无得供应，所以拣左侍应热情推介既泰式生虾刺身。生蚝来自法国Tatihou，虽然只系十蚊一只，但食得出生蚝好新鲜，绝对性价比高，叫一打都嫌少。泰式生虾刺身有六只，酱汁用左泰国辣椒调配，真系坚辣。生虾肉质结实，辣得好刺激。蟹糕烩意大利饭唔系好稠身个种，但意大利饭索晒啲汤汁，十分入味，几好食，加埋蟹糕就一流。黑松露蟹肉日本年糕几烟韧，好少见黑松露配年糕，个配搭都唔错。