胡爐 (已結業)

之前已经试过佢哋嘅高质火锅，估唔到佢哋半放题都可以做到咁高质，餐厅嘅装修好有特色，系中国风。依家餐厅做紧优惠，二人同行会送一只面包蟹，冻食嘅面包蟹入边有满满嘅蟹膏，净系只面包蟹已经回晒本。半放题入边包括海鲜拼盘，牛肉、牛舌同豚肉，仲可以拣全牛或者系全猪。汤底方面都有好多选择，钟意食海鲜嘅我，就拣咗胡椒卜卜蚬汤，先食晒入边嘅蚬，再加汤去打边炉，佢哋嘅海鲜非常新鲜，拼盘入边嘅牛，脂肪均匀，好重牛油味，系我最钟意食嘅。佢哋嘅放题都好高质，有唔同嘅肉类、丸类同蔬菜，最估唔到嘅，仲有任食海鲜。