影片
更多
2022-07-15
78 浏览
鮨真喺尖沙咀嘅顶楼，可以饱览维港景色。由六点几开始食，可以由天光睇到天黑，夜景好有感觉。我同朋友叫咗「鮨」呢个餐，$1880+10%。Appetitzer 前菜系樱花虾慕丝，打完嘅虾好有空气感疏乎厘咁样。个面仲有清汤啫喱、紫苏花同埋鱼子，好特别开咗个靓头。Seasonal Sashimi跟住系刺身，有wasabi淮山同埋秋葵作为渍物。一开始有右口鱼加上海胆，仲有烧过鱼边，迫晒啲油份出嚟，加埋岩盐食一流。北海道水八爪鱼好脆，鱼纤维未完全死晒爽口，大吸盘个位最脆，用咗柚子皮同青柠汁调味。𫚕鱼系大油甘鱼，可以睇到网烧嘅纹，加柚子胡椒够香口。粒贝即系螺肉，有好重嘅海水味，同竹炭盐好夹，好爽同脆。青鱼好肥美，见到佢白色皮下脂肪。呢条冇腌醋好滑，配上木鱼丝腌蒜，冇生蒜头抢味。跟住系青森大间野生拖罗，颜色暗啲肌肉实净啲。中拖罗半肥瘦少筋，中拖罗肥肚腩肉肥美，味道更浓郁。烧完嘅赤鯥比拖罗增加多油香，完美作结。岩手县嘅赤埼真蚝配上紫洋葱酱，咸咸地比法国蚝有更重嘅海水味。Featured dish第一次试芝麻河豚白子，好似豆腐咁滑。表面有衣，烟烟韧韧好特别。加上日本乌鱼子粉，烧完再磨更香口。Sushi跟住
Appetitzer
前菜系樱花虾慕丝，打完嘅虾好有空气感疏乎厘咁样。个面仲有清汤啫喱、紫苏花同埋鱼子，好特别开咗个靓头。
Seasonal Sashimi
跟住系刺身，有wasabi淮山同埋秋葵作为渍物。一开始有右口鱼加上海胆，仲有烧过鱼边，迫晒啲油份出嚟，加埋岩盐食一流。北海道水八爪鱼好脆，鱼纤维未完全死晒爽口，大吸盘个位最脆，用咗柚子皮同青柠汁调味。𫚕鱼系大油甘鱼，可以睇到网烧嘅纹，加柚子胡椒够香口。粒贝即系螺肉，有好重嘅海水味，同竹炭盐好夹，好爽同脆。
青鱼好肥美，见到佢白色皮下脂肪。呢条冇腌醋好滑，配上木鱼丝腌蒜，冇生蒜头抢味。跟住系青森大间野生拖罗，颜色暗啲肌肉实净啲。中拖罗半肥瘦少筋，中拖罗肥肚腩肉肥美，味道更浓郁。烧完嘅赤鯥比拖罗增加多油香，完美作结。岩手县嘅赤埼真蚝配上紫洋葱酱，咸咸地比法国蚝有更重嘅海水味。
Featured dish
第一次试芝麻河豚白子，好似豆腐咁滑。表面有衣，烟烟韧韧好特别。加上日本乌鱼子粉，烧完再磨更香口。
Sushi
跟住就系寿司，配上佢地自家制嘅甜姜。深海池鱼，口感好爽，入口甘香。金目鲷用梅酱作为点缀恰到好处。赤贝新鲜清甜；带子够厚好爽。加咗昆布渍嘅小白虾比较黏身少少，口感正。梳子鱼用咗三星渍，系日本青椒子白瓜，有少少辣，肉质够肥美。最后系细条嘅池鱼，鱼味浓郁。仲有啲葱整嘅酱。
Soup
群翅清汤好暖胃，可以清一清味蕾，仲有大大条翅。
Fruit
赤玉蜜瓜好甜，估唔到食完仲有雪糕食，我同朋友试咗朱古力味同埋开心果味，满足。
张贴
