戀上台式料理

营业中

休息中

出咗去将军澳做嘢，放工之后沿着海旁睇吓有咩餐厅想试，见到呢间台式餐厅，除咗有地道台菜，仲有烧肉拼盘、酸菜鱼等唔同特色料理，就入咗去食餐好嘅慰劳吓自己！恋恋蚵仔煎香港好少见嘅蚵仔煎，味道好还原到台湾风味，蚝肉鲜甜多汁，煎饼又唔会煎得太淋，份量十足！松茸炖鸡必试滋补系列！个汤好清甜，炖鸡肉质细嫩，松茸口感爽滑。牛肉拼盘有齐四份唔同部位嘅牛肉，分别系牛舌、牛肩胛、牛小排同牛空腹，烧完充满牛油香，而且肉质好嫩滑，性价比好高！雪崩珍珠朱古力呢款绝对系超邪恶之选，有齐晒奶盖、珍珠、冻朱古力，一次过满足晒我所有肥肥嘅愿望！荔枝沙冰夏天饮佢就最消暑，荔枝沙冰好清爽，饮落唔会死甜！椰奶仙草芋圆食得台湾料理当然唔少得芋圆，芋圆烟靭有口感，仙草亦可以中和咗烧肉嘅油腻感。