影片
更多
2020-10-18
303 浏览
呢间坚离地7po系新开冇耐嘅，不过个餐厅名已经够哂特别，同路人一定会明。留意返，虽然个地址写住喺佐敦，但间餐厅系近柯士甸，个位置都比较隔涉，喺文苑街果边，系多嘢食但夜晚都算静。而本身呢啲特色餐厅，俾我嘅感觉多数系啱打卡仲多过食嘢，不过呢间就改变咗我呢个睇法。餐厅装潢、餐具同装饰品都系走土耳其风格为主，真系几靓几啱影相打卡，不过果时太多人，废事周围走，阻住职员做嘢，另外，6点几嚟到都几乎爆场，夜晚点都一定要book位。而餐厅老板曾经去过土耳其学过煮土耳其菜，再加以改良，尽量贴近香港人嘅口味，啲嘢食好食得嚟好啱口味，唔会太咸太重口，容易接受，食物同环境嘅水准高，价钱唔算贵，本身会送埋嘢饮，不过建议楼面请多个人帮手，见得一个人做超忙，好多时唔得闲理啲客或出面嘅人，忙到我哋要等几个字、佢望到我哋先叫到嘢食～📍乳酪黄咖喱鸡 配中东香草饭 $126我呢啲唔系好食得辣嘅，都觉得黄咖喱算系唔辣，再混埋酸忌廉，好入味。鸡肉肉质嫩滑，而中东饭啲饭粒本身系比较干硬，但我都接受到，唔算难入口📍中东串烧 配中东中东皮塔饼 $168鸡同羊各2串，一串有4、5旧肉，仲有青椒、红椒同洋葱，食
呢间坚离地7po系新开冇耐嘅，不过个餐厅名已经够哂特别，同路人一定会明。留意返，虽然个地址写住喺佐敦，但间餐厅系近柯士甸，个位置都比较隔涉，喺文苑街果边，系多嘢食但夜晚都算静。而本身呢啲特色餐厅，俾我嘅感觉多数系啱打卡仲多过食嘢，不过呢间就改变咗我呢个睇法。
餐厅装潢、餐具同装饰品都系走土耳其风格为主，真系几靓几啱影相打卡，不过果时太多人，废事周围走，阻住职员做嘢，另外，6点几嚟到都几乎爆场，夜晚点都一定要book位。
而餐厅老板曾经去过土耳其学过煮土耳其菜，再加以改良，尽量贴近香港人嘅口味，啲嘢食好食得嚟好啱口味，唔会太咸太重口，容易接受，食物同环境嘅水准高，价钱唔算贵，本身会送埋嘢饮，不过建议楼面请多个人帮手，见得一个人做超忙，好多时唔得闲理啲客或出面嘅人，忙到我哋要等几个字、佢望到我哋先叫到嘢食～
📍乳酪黄咖喱鸡 配中东香草饭 $126
我呢啲唔系好食得辣嘅，都觉得黄咖喱算系唔辣，再混埋酸忌廉，好入味。鸡肉肉质嫩滑，而中东饭啲饭粒本身系比较干硬，但我都接受到，唔算难入口
📍中东串烧 配中东中东皮塔饼 $168
鸡同羊各2串，一串有4、5旧肉，仲有青椒、红椒同洋葱，食落好juicy。就咁食又得，或者沾上酸忌廉，将啲材料夹落馅饼嚟食又得，更加入乡随俗。本身我唔食羊肉因为怕膻味但佢呢个就真系冇乜膻味，令到我都接受到羊肉，好惹味。唯独系馅饼份量少咗啲，摵开一半，两个人各自食都净系够夹2串肉。
📍无花果石榴沙律 $65
平时比较少食无花果同石榴，但呢种水果混埋原来都几夹，再加埋黑醋、柠檬汁果啲系几开胃，沙律份量都好大
📍密恋荔枝玫瑰 $48
荔枝味都比较重
📍冻朱古力 $39
系几好饮但未去到特别，好似menu所指咁值得推介
张贴
