友情廚房

营业中

休息中

平时通常都系叫外卖，第一次上餐厅睇下，朋友话友情厅房入面其实好多野卖，唔止系一般工厦餐厅㗎。睇住地址去揾敬业工厦，咦…过左都唔见有门口嘅，原来系停车场旁边入去撘䢂上，唔系喺观塘返开工嘅可能都几难揾。一上到黎就见到教主，哈哈，可以打卡呀～疫情下餐厅主要做外卖，不过店内其实装修唔错，地方大又干净。叫左份炖汤套餐，有菜有饭又有汤，仲另外加左支茶，超丰富呢！饮啖汤先，是日系抗疫灵芝汤，卖相平凡啲，但其实好足料㗎。汤头鲜甜浓郁，热辣辣好正，真材实料原汁原味嘅炖汤，无添加㗎。个小菜就叫左时菜炒花枝，是日系西芹，花枝鲜嫩有咬口，西芹吸了蒜头同姜味好好味，送饭一流。个餐仲有一份时蔬送，是日系蒜子杂菌娃娃菜，好鲜甜㖞，原粒蒜头煮到淋哂劲正，好味到连汁都捞埋。白饭就无乜特别啦，份量十足，一盒满满的。仲有呢枝玫瑰果茶，店家话系德国有机茶黎，无糖无添加，饮落味道有啲似洛神花咁酸酸甜甜，但味道较天然，仲有淡淡果香，净系无加糖已经抵赞啦！餐厅仲有唔少食材急冻包卖，加热就食得超方便。除咗友情厨房本身嘅食材包外，仲有35座车仔面嘅急冻包，几十蚊就有交易，试下佢先。