MR. MAKI (保和大廈) (已結業)

今晚突然好想食寿司，横掂都系不如买一盘寿司返屋企食啦！阿女又钟意食老公又钟意食！揾吓公司附近有咩寿司舖，发现喺湾仔有一间好似几地道，又有啲fusion嘅感觉嘅外卖寿司到会。呢间小店处于湾仔横街的一家小店铺。虽然舖头细细，但系好似都几多嘢食，主力都系做到会同外卖，当然都可以堂食。入去睇吓有咩食先，见到poster有一张介绍外卖寿司盒，谂咗一阵，决定order一盒45件嘅彩色盒寿司。寿司出炉，佢嘅外卖盒好似一盒Pizza咁，唔打开嚟睇真系以为系一盒pizza! 店员打开盖俾我检查，我心谂: 哗整得好靓㖞！忍唔住同佢打卡影张靓相，然后就飞返屋企食我嘅彩色寿司盒。呢个彩色寿司盒，一共有六款寿司，每款寿司都系我至爱，但讲到我最偏爱嘅一定系牛油果卷🥑，当然，三文鱼同鳗鱼卷都好正😍除咗师父手工好，色香味都俱全，下次有派对，可以去Mr. Maki度订寿司到会!!其实佢除咗寿司之外，都有其他唔同嘅外卖到会，大家都可以去试吓呢间小店，应该会令你有所惊喜！