鮨慎

营业中

休息中

生日拣间厨师发板庆祝，呢间之前老公食过话几好食质素高价钱又唔太贵。去之前两日订枱，冇晒吧枱，不过有独立房，私隐度极高。寿司方面质素真系好高，全部都系好好食好新鲜，仲要配合唔同嘅茶，食寿司嘅次序，呢啲质素简直唔可以同一般寿司店比较。有味道比较淡嘅寿司，好似池鱼、金木鲷等，再度吞拿鱼拖罗、鳗鱼等，每样都会照顾周到。我最钟意嘅就系有柚子味嘅鱼，同埋昆布海胆都系好正嘅。寿司饭已经调左未亦都落芥辣啦，所以乜嘢都唔使点就咁食就可以啦。服务方面都系一流嘅，会观察你食嘢嘅速度去为你服务，走嘅时候师傅仲会出嚟送你。价钱方面又唔太贵$680餐都食得饱，可以每隔几个月都嚟一次。