金莎冰室

营业中

休息中

去咗屯门玩，想食铁板，就揾咗呢间金莎冰室。不过屯门路不熟，一开始喺鸣琴轻铁站附近行，以为间餐厅喺鸣琴附近， 但原来鸣琴𠮶度系旧餐厅嘅地址，最后去返屯门泳池𠮶边先系新店。讲返环境，坐得好舒服，个气氛好适合锯扒。蒜蓉包 （跟餐）蒜蓉包好香，好脆口。👍忌廉汤 （跟餐）浓得黎唔会好腻，好啱我口味！🥰9安士西冷牛扒 配吉烈蚝（$98）西冷牛扒叫咗七成熟，牛扒好软熟，有少少入口即溶的感觉，有时好怕牛扒太硬好难咬，呢块西冷牛扒咬得好舒服，正呀！配埋吉列蚝，爱食蚝嘅我非常喜欢。另外我拣咗配薯菜，薯条正常发挥，不过不失。整体嚟讲都几高分，价钱唔贵又大份，不错！👍😚冻奶茶 （+$3）茶味同奶味都配合得非常好，呢杯冻奶茶我几钟意。😆住屯元天既朋友可以过去一战，系几有质素的。