影片
更多
2023-12-15
457 浏览
好耐之前食过呢间酒楼嘅小菜几有水准，最近同屋企人食饭又拣咗呢间，同样食得满足👍🏻金牌叉烧皇（例）$148叉烧肉质好好，咬落去淋得来系爽口嘅，唔会霉，配埋甜甜嘅酱汁，好香好好味，仲要系热嘅，做到好似啱啱烧好即切。蒜香爆龙趸球 $288呢个超级香，好有镬气，热辣辣爆香晒啲干葱蒜头同埋系葱段，好惹味。龙趸大大件，鱼皮充满骨胶原，鱼肉白雪雪，滑得嚟又爽口，完全唔会腥。烧汁香辣一口牛 $148呢个都好有镬气，爆得一口牛好香，肉质完全冇筋冇渣。配菜嘅西芹爽口，不过就略嫌有少少老有少少筋。榄角冰梅骨 $148冰梅骨肥瘦适中，有少少酸莓嘅香味，加上榄菜嘅嘢味同埋好似有少少黄姜嘅味道，好惹味。干捞海皇粉丝煲 $168超级香，砂煲好存热，粉丝食到尾都系热辣辣，香气十足，劲香蒜味，加上爆香晒嘅虾干、鱿鱼干，再加上一啲鲜虾肉同埋蛋花，粉丝入晒味，干身得来好爽口。最后，仲有甜品花生麦米粥送添，好足料㗎！
金牌叉烧皇（例）$148
叉烧肉质好好，咬落去淋得来系爽口嘅，唔会霉，配埋甜甜嘅酱汁，好香好好味，仲要系热嘅，做到好似啱啱烧好即切。
蒜香爆龙趸球 $288
呢个超级香，好有镬气，热辣辣爆香晒啲干葱蒜头同埋系葱段，好惹味。龙趸大大件，鱼皮充满骨胶原，鱼肉白雪雪，滑得嚟又爽口，完全唔会腥。
烧汁香辣一口牛 $148
呢个都好有镬气，爆得一口牛好香，肉质完全冇筋冇渣。配菜嘅西芹爽口，不过就略嫌有少少老有少少筋。
榄角冰梅骨 $148
冰梅骨肥瘦适中，有少少酸莓嘅香味，加上榄菜嘅嘢味同埋好似有少少黄姜嘅味道，好惹味。
干捞海皇粉丝煲 $168
超级香，砂煲好存热，粉丝食到尾都系热辣辣，香气十足，劲香蒜味，加上爆香晒嘅虾干、鱿鱼干，再加上一啲鲜虾肉同埋蛋花，粉丝入晒味，干身得来好爽口。
最后，仲有甜品花生麦米粥送添，好足料㗎！
张贴
