無敵家

营业中

休息中

今晚同朋友黎无敌家，居酒屋可以慢慢坐。佢虽然同日本无敌家拉面应该无咩关系，不过野食都好高质。叫左明太子玉子烧，好好食，d蛋好滑，热辣辣食，旧玉子烧弹下弹下，觉得呢个诚意十足，而且一份有6件好满足。红酒煮牛面颊，呢个好抵食，有好多旧肉，而且煮得入味，淋到入口即溶。叫左唔少串烧，大葱鸡肉，牛舌，鸡胗，明太子豆腐，全部都烧得刚好，属于水准之上。叫左芝士年糕，都系正常发挥，热辣辣好难唔好食。叫左最爱嘅烧饭团，可以拣三文鱼或者明太子，我拣左三文鱼。饭团烧得正好，表面烧焦左但系唔硬，好香口感armarm 好有饭焦咁。成晚舒服好坐，无人赶，d服务劲好。虽然d人系咁北上消费，个人觉得香港都有好多性价比高嘅餐厅，值得支持。