影片
更多
2024-07-10
1744 浏览
一间想试咗好耐嘅餐厅，平日行过以为里面冇乜人，趁朋友生日即管嚟试下，估唔到一个平日星期四嘅晚上都差不多座无虚席仲可以翻枱🤨餐厅气氛唔错，服务好好，枱与枱之间有布帘分隔，增加私隐度感觉亦较为卫生。餐厅最大嘅特色就系$468两个半钟放题任饮 ，包括清酒啤酒梅酒烧酎，不过我朋友酒量麻麻，所以我只系叫咗一杯凤凰美田柚子酒饮就算喇😅餐厅另外仲有啲套餐系包埋清酒任饮嘅，分别系880蚊同埋1080蚊一位，前者主要系熟食，后者有包括刺身盛合同埋寿司，我哋都系选择散叫可以多啲弹性😅首先第一个刺身五点盛合二人前 $488，侍应上菜时有作讲解，分别有马粪海胆，拖罗，蜜柑鲷，间八鱼，响螺又称粒贝，侍应仲有教要由下而上咁去品尝。蜜柑鲷同间八本身系餐厅一个特别menu嘅时令推介，所以好开心会出现喺盛合，唔使另外叫😁响螺新鲜青甜脆口；蜜柑鲷听讲饲料加入咗蜜柑皮，所以食果阵会散发出淡淡嘅蜜柑味，好受女士喜爱😍间八鱼 系大型𫚕鱼，肉质紧致充满鱼油香；拖罗入口即溶满口鱼油；马粪海胆配青瓜清新鲜甜😋北海道水八爪刺身 $128，好爽弹，吸盘好过瘾 ，酸汁已经有少少wasabi调味，如果唔点酸汁就咁食吸盘，我食到有少少炙烧过嘅
餐厅最大嘅特色就系$468两个半钟放题任饮 ，包括清酒啤酒梅酒烧酎，不过我朋友酒量麻麻，所以我只系叫咗一杯凤凰美田柚子酒饮就算喇😅餐厅另外仲有啲套餐系包埋清酒任饮嘅，分别系880蚊同埋1080蚊一位，前者主要系熟食，后者有包括刺身盛合同埋寿司，我哋都系选择散叫可以多啲弹性😅
首先第一个刺身五点盛合二人前 $488，侍应上菜时有作讲解，分别有马粪海胆，拖罗，蜜柑鲷，间八鱼，响螺又称粒贝，侍应仲有教要由下而上咁去品尝。蜜柑鲷同间八本身系餐厅一个特别menu嘅时令推介，所以好开心会出现喺盛合，唔使另外叫😁响螺新鲜青甜脆口；蜜柑鲷听讲饲料加入咗蜜柑皮，所以食果阵会散发出淡淡嘅蜜柑味，好受女士喜爱😍间八鱼 系大型𫚕鱼，肉质紧致充满鱼油香；拖罗入口即溶满口鱼油；马粪海胆配青瓜清新鲜甜😋
北海道水八爪刺身 $128，好爽弹，吸盘好过瘾 ，酸汁已经有少少wasabi调味，如果唔点酸汁就咁食吸盘，我食到有少少炙烧过嘅香味🤩
黑毛和牛野菜寿喜烧 $268，因为上菜时所有材料已经系里面导致牛肉有少少过熟，食唔到牛嘅香味，另外有大量嘅蔬菜包括冬菇 大葱大白菜等。
酒盗芝士 $68，系高知原产鲣鱼芝士(土佐町) 配梳打饼一齐食，咸香幼滑，不愧为酒中嘅强盗😋
极辛辣明太子自家制玉子 $88，估唔到系斋玉子去点一个辣嘅明太子酱，呢个有啲失望，一心以为系玉子里面会包住啲明太子，唔知佢另外两款鳗鱼同芝士玉子会系点呢，应该系包住做馅卦？
冲绳海盐烧牛舌 $68，味道一般，牛舌香唔够突出🫣希望下次有机会试埋佢嘅𩽾𩾌鱼肝寿司同埋其他串烧😍
题外话佢连厕所都有布置，清新卫生，感受到餐厅一丝不苟嘅精神🫡不过冷气有啲冻🥶
人均消费$650
日本清酒藏所
铜锣湾百德新街66-72号地下C & D号舖
评分：最高为5分
治愈度：👩⚕️👩⚕️👩⚕️👩⚕️
抵食度：💉💉💉
翻兜指数：🩺🩺🩺🩺
张贴
