德國餐廳 (博文街) (已結業)

近尼一两年，咸蛋黄真系好热门，无论系咩野食都会加咸蛋黄。经过尼间餐厅，见到佢竟然有咸蛋黄酱猪手，好似几吸引，我又好好奇究竟咸蛋黄同猪手夹吾夹，所以就入左去试下。猪手上菜果阵已经帮我地切好一块块，好细心。一食落口，先系浓郁嘅咸蛋黄味道，之后再系猪手本身嘅咸香，两个味道相辅相成，意想不到地夹。猪手嘅外层烧得好脆，而里面就好嫩。如果食腻左可以食d酸菜或者沾旁边嘅两款酱汁，又系另一番风味。不过我都系最钟意咸蛋黄酱，比较特别。超级香肠拼盘有三种吾同嘅香肠，各有特色。最令我惊喜嘅系一切开香肠，里面系爆汁嘅。薯角虽然只系配菜，但做得完全吾马虎，令我地食得好满足。咸猪手同香肠都系超好嘅下酒菜，饮住啤酒，倾下计，吾觉吾觉就会食晒。虽然我地只系叫左两样野食，但因为每样嘅份量都几大，再加埋伴盘嘅薯仔，我地真系食得好饱。