成都老碼頭火鍋 (已結業)

早前同朋友好想打边炉，听佢介绍就去咗呢间成都老码头火锅，果然冇令人失望！鹅肠爽脆，放入麻辣锅入面，又辣又爽，非常出色，连摆盘都好有趣😍毛肚都同样系非常爽脆，渌十几秒食就啱啱好！黑松露牛丸有好香嘅黑松露味！佢哋筷子牛肉果然系店家推介，同麻辣锅非常夹，一定要试😍鸭血就非常之嫩，放入口好滑啊😍食麻辣锅一定唔可以少得内脏，所以我哋仲叫咗其他唔同嘅部位，所有嘅内脏都处理得好干净，鸡肾同黄喉都好好食，无骨鸭掌就非常适合我呢啲懒人！渌完可以成旧摆落口劲方便💓呢个菇非常之有趣所以我哋都叫咗嚟试吓，佢嘅口感非常之脆，有别平时打边炉嘅金菇秀珍菇，佢个样仲好似一支铅笔咁，好得意呀😍沙冰都不错～环境都好舒适，装修都好古风格调，晚市嚟食仲会有折，下次会再嚟！