翠榮雞煲火鍋

营业中

休息中

朋友仔仲未收工，唯有画定点菜纸继续等，都系食𠮶几样啫。依家人气咁旺，唔想等位就要七点前黎到坐低喇。咸菜胡椒猪肚鸡煲一只，前几次都系食奇味鸡，今晚食胡椒鸡汤啦﹗以前都系用鸡仔，近来转左用大少少既鸡，多左肉食噃。肉质依旧非常嫩滑又多汁，最紧要唔好滚过火，一熟就好趁热食喇。猪肚腌过既爽口入味又带酒香，胡椒味香浓，虽知饮得多会颈渴，但太好饮喇，唔理得咁多 ﹗食左先讲。美国桶蚝，大大只又啖啖肉，鲜味非常、Juicy 非常，翠荣唯一既海鲜，如要其他海鲜，就要预订喇﹗或煮自掳都得，但要收服务费啰。手切牛肉细，menu 只印上手切牛肉，但真身其实系牛颈脊黎架 ﹗今晚牛颈脊色泽光亮又油润，一睇就知非常新鲜。果然无错，十分高质，牛味浓郁，嫩得黎有赵口，不鞋不韧，好好味。鱼腐，必食推介，今日比以往差左少少，真系有一次比一次差既感觉，不过都算好食。外层又香又棉、里面湿润多汁。竹笙，今日比较碎㖞，入口爽脆，索汤一流。