大公別館

营业中

休息中

最近从朋友口中得知大公馆嘅别馆有打边炉，所以放咗工之后约埋同事一齐嚟试吓，别馆嘅环境宁静，舒服，而且有啲似西餐厅。我哋一坐低，职员立即为我地送上水同埋酱料，服务态度好好。我哋一行四个人叫咗一个冬瓜米皇海鲜窝，呢一个汤底超级无敌推介，由于有好多海鲜同埋瑶柱喺入边，所以十分鲜甜，就算系用黎打边炉嘅汤底我哋都忍唔住饮咗几碗。跟住我哋都叫咗好几样材料用嚟打边炉，大家一致认为美国极黑和牛封门柳最值得叫，因为和牛嘅油脂分布真系好平均，涮几下就熟，而且啲肉都好嫩！仲有自家制千层枝足都好值得推介，口感有啲似响铃，但系冇响铃咁薄，咬落口感十足。食到最后仲有两个淮山面，面嘅质感到唔错，唔似cheap嘅面，如果食量大又或者男仔都建议可以叫！