緻 (已結業)

将军澳南一向都多高质餐厅，到访日式居酒屋「致」多次一直都未有机会介绍😆 餐厅座位阔落，胜在食物种类多，由刺身﹑串烧﹑炸物﹑佐酒小食都有，价钱唔贵又好食，仲有多款酒精饮品，高CP值之选✅♢ 🦀松露芝士甲罗烧 $88春季限定！蟹盖装满炙烧过既芝士，大量蟹肉﹑蟹膏超澎湃，加埋松露同芝士，香气逼人！将馅料放到烘过既多士上一齐食，入口creamy又够香脆，简直绝配！♢ 🦀蟹肉蟹膏鳕鱼脆脆 $68同样系海量既蟹肉蟹膏，今次仲多左蟹籽，粒粒脆口，口感好丰富！最惊喜反而系片鳕鱼干，香脆之余仲要好香鱼味，啖啖满足呀！♢ 🍚致极上刺身丼定食 $218定食超丰富，卖相吸引，晚市套餐包渍物﹑沙律﹑汤同和菓子。极上刺身丼有多款新鲜刺身﹔左口鱼﹑油甘鱼﹑带子﹑剑鱼﹑三文鱼﹑三文鱼籽。刺身片片厚切，每款都有几片，份量大方~ 左口鱼边特别好食，火炙过后齿颊留香，油脂感十足。另外寿司饭都好多，铺满成个碗，带有醋香，十分开胃。♢ 🥩安格斯牛肉寿喜烧定食 $168寿喜烧热辣辣送上~ 放满牛肉﹑豆腐﹑鸿喜菇﹑蔬菜，一大锅超足料！牛肉份量超多，入口幼嫩，配上寿喜烧汁好甘甜！