牛魔 (已結業)

尖沙咀又多一间烧肉店，重点✨无烟烧肉，唔怕食完会成身味！星级热卖套餐二人前✍🏻扬樱花虾豆腐呢个系前菜，上枱𠮶阵热辣辣，豆腐炸脆咗，再配上樱花虾嘅酱汁，带出豆腐嘅鲜味，清清地好开胃！✍🏻 全天然西班牙豚肉五花腩五花腩做到肥瘦肉双间，一烧啲油香出晒嚟，配上生菜同埋辣辣地嘅特制酱汁，唔会好油腻，劲香口！✍🏻 鲜活鱿鱼筒原只鱿鱼筒，超级新鲜，啲鱿鱼须劲大条，烧到焦香咁食，鱿鱼筒亦都好烟靭，好有口感，鲜味十足！✍🏻 美国和牛封门柳原条封门柳超级厚肉，肉质鲜嫩弹牙，唔使特别调味，净系食和牛嘅香味都已经好好食！✍🏻美国和牛牛板腱每一块薄切嘅牛板腱都充满油花，霜降纹好清晰，入口即溶！✍🏻香葱薄切牛舌薄切嘅牛舌绝对唔会嚡口，烟靭嫩滑，再加上香葱，牛味香浓！✍🏻 日式芝士鱼籽鸡卷最后依个系寿司卷，寿司饭入边包住炸脆咗嘅鸡肉，面头铺上烧溶咗嘅芝士同埋三文鱼子，再加上沙律酱去食，味道丰富又层次！