博多拉麵別天神 (已結業)

别天神拉面简直同喺日本拉面店嘅装修一模一样，门口设置自助贩卖机，有位之后系贩卖机俾钱，之后张飞交俾店员。餐牌只有2款拉面及同2款小食，我哋两个人叫咗一个别天神套餐同虾味噌套餐，小食就share，咁就可以点晒全部食物。别天神套餐($105)套餐包一碗豚骨拉面，以及1款小食。主角豚骨拉面汤底保留好香浓嘅猪骨味，但又唔似正宗日本拉面咁咸，我觉得有机会调较过合适香港人嘅口味，满意！而面条亦都仍然保留烟韧口感，唔会过熟。配料就有流心蛋1只同日式叉烧。流心蛋熟度啱啱好，正！日式叉烧唔会太肥，亦冇猪肉腥臊味！小龙虾蟹子沙律（单点$35）份量唔算大，但非常足料。第一啖已经好惊讶，真系食到龙虾肉，配埋一粒粒蟹子，好有口感！另外附送数块紫菜可以卷住食。虾味噌套餐（$115）虾味增豚骨汤面加咗味噌同大量樱花虾，所以令豚骨汤底更加香浓。我个人比较钟意呢款汤底。配料同豚骨汤面非常相似，但会多咗粟米，好味。饺子饺子热辣辣煎得好香口，入面系白菜猪肉，好日式。最后，大家可以按个人口味或者师傅建议加添配料调制自己钟意嘅汤底味道。