極上千島櫻海景放題 (已結業)

今日相约朋友系荃湾食饭，未够钟去咗Donki行咗个圈，然后想去呢间千岛樱放题战斗一番。里面装修环境好有日本风味，大部分用木做主题，有好多日式嘅木门装修，而啲灯都系花过心思，系条鱼黎。食物方便特别系刺身非常高质，海胆刺身非常新鲜，啲甜虾一啲都唔腥，可以放心系咁食，仲有好多刺身包括帆立贝、八爪鱼、三文鱼等等。呢间放题仲有我最钟意食嘅麻辣小龙虾，好入味，唔会好辣，食物种类真系好多。熟食方面我就比较推介佢嘅烧羊架，肉质非常淋，睇得出有用心制作。