2DP (已結業)

哩间素食餐厅一直都几出名，今次终于有机会黎试下。平日去都见到好full下，想食嘅朋友记得提早book枱。泰impossible猪汉堡 $138之前都食过impossible嘅素汉堡，今次整成burger形式，真系好似啲真肉，食唔出分别。我地另外加左大啡菇同埋转纯素芝士，啲泰式辣酱会有小小辣，但好好食！茄香猴头菇蒟蒻面 $106餐厅都有好多面食选择，我平时比较少食蒟蒻面，所以试一试。口感好好，比较爽口，同埋感觉冇咁油腻，加埋啲菇好香，食唔停口。咸蛋黄窝夫配普洱朱古力雪糕 $98好特别嘅口味，咸蛋黄味同窝夫出奇地夹，新鲜焗出黎嘅窝夫好香，好好味。铁观音阿法奇朵芭菲配抹茶布甸 $88最欣赏有铁观音茶倒落吧飞到，同啲脆脆好夹，抹茶味都好浓。食完之后都唔觉自己食紧素食，决定下次再黎试其他菜式。