牛摩+ (沙田中心) (已結業)

成日见到朋友去牛摩打边炉，今次终于到我去试下喇～黎左依间位于沙田中心既牛摩+, 火车站沿商场行几分钟就到，非常方便餐厅近期主打三筋肉放题，所以我地都简左依个套餐餐厅环境阔落，灯光明亮，坐落唔会觉得有压迫感有多款酱汁及调味料可供自由选择有寿司可以食，都几新鲜架！配料选择都几丰富，丸类菜类都有好多选择，岩晒唔同口味既朋友饮料可以任勘，除左有汽水仲有咖啡同鲜榨果汁每枱都会有一客既精选海鲜，有墨鱼滑、帆立贝、海虾、墨鱼仔、花胶， 海鲜好新鲜唔会腥。海虾既虾肉够晒爽口弹牙，墨鱼仔都系😋 黎到边炉既重点 牛肉喇！三筋肉系牛肩胛后部分嘅肉，一头牛只取得 5-6%，极为罕有。由于肉面肉底及肉 中间都分别有一条薄薄的筋膜，因而得名。油脂雪花分布细密，肉味浓郁，入口肉汁 丰腴嫩滑，绝对系罕见嘅滋味🤤汤底都有好多选择架！我地就简左麻辣鸭血锅同寿喜烧锅。麻辣汤底真系有d辣架，唔太食得辣既朋友要自行斟酌，但d鸭血就好入味呢！而寿喜烧锅就够甜，好味！食到最后当然要食返个雪糕做甜品啦～餐厅系提供雪糕机，食客可以自己选择份量多少，而旁边都仲有d小配料可以添加～个雪糕都几好味呢！！总结而言依个火锅放题真系几唔错而且抵食