御藏 (已結業)

今日无住家饭食，经过炮台山见到间日式外卖谂住买外卖返屋企enjoy，入到去都几惊喜！呢间日式外卖店系我见过最多选择既一间。热食，小食同鱼生刺身种类都好多，而且价钱又合理，饭餐仲跟汤或饮品。热食便当都分左4-5款，见天气开始转冻放弃首选既鱼生饭转点帆立贝炒饭。等左概5分钟便当已经准备好，即叫即炒，拎上手热辣辣。便当份量大大份，而且帆立贝份量多又大粒，基本上每一啖炒饭都食到帆立贝。除左帆立贝粒，加上其他蔬菜一齐炒增添左份蔬菜甜味。炒饭用上珍珠米，米粒唔会过淋，有嚼口粒粒分明。炒饭酱汁用左日式烧汁去炒，令炒饭带小小甜味感觉似食紧铁板烧炒饭。