影片
更多
2024-01-21
749 浏览
📍乔木 ⭐️高质日式定食，满分盐烧牛舌作为乔木打手，一定要介绍好嘢食俾大家🤣呢间大概系我上一年嘅食堂😂每个月都要食，食到老板娘都认得～就知道我对乔木嘅喜爱系有几深厚🥰认识我嘅人就会知道我上年简直推爆呢间嘢！！！不过最近为咗食多啲唔同嘅嘢食🥹所以少咗去～但系依然唔影响我对佢嘅喜爱！佢依然系咁高质！！！全日定食✨ 盐烧厚切牛舌$178 👍🏻👍🏻👍🏻由我第一次食开始，我每一次都只系会点呢一个😂佢令由我完全唔食牛舌，去到而家劲钟意食！因为佢嘅烧牛舌真系整到完全冇𠮶阵牛膻味！味道似牛肉，但个份柔软口感系牛肉享受唔到嘅🤤通常外面嘅烧牛舌都系薄切嘅，令较硬嘅部位都容易咀嚼，不过口感就争啲！而呢一间嘅烧牛舌虽然好厚身，但咬落去超级腍。好似食紧牛舌拖罗咁🥰强烈推荐大家第一次去食都可以试吓！就算唔食牛舌嘅都可以，因为你真系唔会觉得自己食紧😂佢暂时系我食过最好食嘅牛舌～✨ 银雪鱼西京烧 $228👍🏻👍🏻银雪鱼西京烧都系好好食！我本来就好钟意食呢一个甜甜嘅鱼嘅味道～😍而且鱼整得好滑！不过因为喺其他日式嘅舖头其实都常见，而且可能价钱会比较平啲！所以我觉得呢一个性价比就冇烧牛舌咁高！✨ 北海道花鱼一夜干 $188👍
作为乔木打手，一定要介绍好嘢食俾大家🤣呢间大概系我上一年嘅食堂😂每个月都要食，食到老板娘都认得～就知道我对乔木嘅喜爱系有几深厚🥰认识我嘅人就会知道我上年简直推爆呢间嘢！！！不过最近为咗食多啲唔同嘅嘢食🥹所以少咗去～但系依然唔影响我对佢嘅喜爱！佢依然系咁高质！！！
全日定食
✨ 盐烧厚切牛舌$178 👍🏻👍🏻👍🏻
由我第一次食开始，我每一次都只系会点呢一个😂佢令由我完全唔食牛舌，去到而家劲钟意食！因为佢嘅烧牛舌真系整到完全冇𠮶阵牛膻味！味道似牛肉，但个份柔软口感系牛肉享受唔到嘅🤤通常外面嘅烧牛舌都系薄切嘅，令较硬嘅部位都容易咀嚼，不过口感就争啲！而呢一间嘅烧牛舌虽然好厚身，但咬落去超级腍。好似食紧牛舌拖罗咁🥰强烈推荐大家第一次去食都可以试吓！就算唔食牛舌嘅都可以，因为你真系唔会觉得自己食紧😂佢暂时系我食过最好食嘅牛舌～
✨ 银雪鱼西京烧 $228👍🏻👍🏻
银雪鱼西京烧都系好好食！我本来就好钟意食呢一个甜甜嘅鱼嘅味道～😍而且鱼整得好滑！不过因为喺其他日式嘅舖头其实都常见，而且可能价钱会比较平啲！所以我觉得呢一个性价比就冇烧牛舌咁高！
✨ 北海道花鱼一夜干 $188👍🏻
一夜干姐系将新鲜嘅鱼肉浸盐水，再风干一晚！可以减低鱼嘅腥味，同埋令佢更有油脂香。只系我觉得花鱼嘅肉质比较榎～我自己唔系太钟意🤣
佢嘅定食入边啲配菜每隔一排都会转~包括茶碗蒸、沙律、渍物、三点前菜、椀物、白饭、迷你乌冬、甜品～唔好睇佢每一样都好似少少哋～但每一次食完都好饱！而且样样都好精致！睇得出系用心去制作☺️特别要推荐佢嘅甜品要拣芝麻奶冻！呢个真心又滑又好食😋
仲记得以前佢只系收现金～次次都食完先至醒起自己未带够钱😂之后过隔离七仔揿钱！依家已经可以用信用卡比，不过就要+1喇！
放假同朋友嚟坐吓，睇住街外风景，都真系好chill！好喜欢佢嘅BGM！
张贴
