九十番地居酒屋

营业中

休息中

呢间系尖沙咀嘅居酒屋非常高质，令人好似去咗日本旅行咁嘅感觉。刺身方面，点咗本鲔拖罗，有大拖罗同中拖罗，超好食，口感滑嫩，鲜味十足！脂肪分布得啱啱好，搭啲酱油更加完美。另外重点咗五件寿司，啲鱼生全部都好新鲜，最钟意𠮶个左口鱼寿司，非常肥美，入口即化。热食方面，点左寿喜烧牛肉锅，牛肉鲜嫩得令人惊喜，汤汁甜咸啱啱好，加埋新鲜蔬菜，整体味道超丰富，特别啱喺冬天食，好暖胃！山口县瓦片牛肉荞麦面最惊喜，原来佢唔系冷盘，呢个荞麦面做法好特别，佢系将啲面煎香，劲惹味。