漁釧 (將軍澳中心) (已結業)

今日系将军澳觅食，忽然想食日式料理，于是系将军澳中心揾到呢间高质小店！ 入到去环境都好舒适，座位都好多好濶落！我哋点左份吞拿鱼寿司6贯，呢道有吞拿唔同部位嘅寿司，有中拖罗，赤身，托罗蓉等等，每件都好新鲜，食落啲口感油脂都非常丰富，入口即溶，呢道真系好值得一试！另外我哋都叫左份软壳蟹寿司卷，呢道份量好足，有好多件，软壳蟹炸得好香脆，食落好香口，完全系超水准！我哋仲点左份比目鱼西京烧，呢道系我哋全晚最有惊喜嘅一道𩠌，鱼烤完之后啲鱼肉都系十分嫩滑，而个鱼皮就烤到好香脆，配搭埋个沙律酱，越食越开胃，食唔停口！最后我哋都点左几样串烧，串烧份量都好足，每件烤得个火侯都岩岩好，烧到好入味，由期个牛舌系十分之香口，个冬菇都好多汁，鸡肾就十分之爽口！ 最特别系个安格斯一口牛，入口即溶好香牛味！嚟开将军澳玩嘅朋友可以嚟呢到一试，性价比极高，值得一试！