別府駅前料理 (青衣城1) (已結業)

𠮶日经过青衣城嘅”别府”，见到有个新餐牌 ，主打和牛寿喜烧同拉面 ，卖相好似好吸引 。今日终于有机会去一试究竟， 好彩都冇令到我失望。 我哋嗌咗一个”宫崎牛寿喜”$228。 率先上碟嘅就系一份和牛 ，睇图都见到雪花同肉嘅比例十分均匀， 一睇就知个牛一定唔差。个寿喜烧嘅汤底都调教得刚刚好，我个人唔太喜欢食太甜嘅汤底。 除此之外仲有好多配料例如冬菇等等，而个豆腐就非常之滑 。和牛放咗一阵之后， 夹起一片，放入个炉度拖两拖 ，等几秒就食得， 沾满蛋汁，一啖入口就慢慢溶 化，绝对可以用享受两个字嚟形容呢一片牛肉。 另外我哋仲点咗一个”宫崎牛火灸拉面 $98”。汤底的味道十分浓郁， 同样地和牛嘅口感同肉质都好好， 食晒啲拉面我都忍唔住要饮多两啖汤底 。另外要赞嘅就系服务员好贴心， 因为我哋另外单点咗两杯嘢饮， 佢就好善意咁提议我哋不如追加个乌冬/白饭转做套餐，咁样变相杯嘢饮就唔使钱。 呢啲做生意咪叫做老实啰。