影片
更多
2023-07-31
63 浏览
之前听好多朋友介绍过呢间「岩盐日本料理」，所以一早已经将餐厅放咗喺 wish list，咁啱今日有事要嚟铜锣湾，晏昼就专登过嚟食个午餐。装潢以日和风格作设计，近门口位置设有开放式厨房，客人可以透过玻璃直接观赏厨师制作釜饭嘅过程。餐厅午市主要供应定食，Menu 选择非常之多，价钱由 $128-$338 不等，丰俭由人。点咗火炙寿司牛肉乌冬定食 ($158) 同 盐烧鲭鱼定食。前者配有沙律，蒸蛋，味噌汤和渍物，分量十足。寿司有火炙三文鱼腩、左口鱼边、带子、穴子、油甘鱼、海胆赤虾同 2 件卷物。三文鱼腩相当肥美，入口充满油脂。赤虾鲜度十足，加上火炙海胆，入口即溶。另外原条穴子都好正，足足有成只手掌咁长，食落肉质好细致，烧汁浓香惹味。牛肉乌冬水准亦唔错，上桌时仍热辣辣，牛肉嫩滑，乌冬弹牙有咬口。至于另一客盐烧鲭鱼定食 ($128) 就配有白饭、味噌汤、沙律、蒸蛋、渍物和刺身三点。鲭鱼比预期大条，非常厚肉，而且烧得十分香口，外皮焦脆，肉质又有油脂，食落唔会干争争，唧少少柠檬汁上面，已经好够味。午市定食仲包一杯饮品或雪糕，雪糕有 Häagen-Dazs 朱古力马卡龙 同 Mövenpick 士
之前听好多朋友介绍过呢间「岩盐日本料理」，所以一早已经将餐厅放咗喺 wish list，咁啱今日有事要嚟铜锣湾，晏昼就专登过嚟食个午餐。
装潢以日和风格作设计，近门口位置设有开放式厨房，客人可以透过玻璃直接观赏厨师制作釜饭嘅过程。
餐厅午市主要供应定食，Menu 选择非常之多，价钱由 $128-$338 不等，丰俭由人。
点咗火炙寿司牛肉乌冬定食 ($158) 同 盐烧鲭鱼定食。前者配有沙律，蒸蛋，味噌汤和渍物，分量十足。
寿司有火炙三文鱼腩、左口鱼边、带子、穴子、油甘鱼、海胆赤虾同 2 件卷物。三文鱼腩相当肥美，入口充满油脂。赤虾鲜度十足，加上火炙海胆，入口即溶。
另外原条穴子都好正，足足有成只手掌咁长，食落肉质好细致，烧汁浓香惹味。牛肉乌冬水准亦唔错，上桌时仍热辣辣，牛肉嫩滑，乌冬弹牙有咬口。
至于另一客盐烧鲭鱼定食 ($128) 就配有白饭、味噌汤、沙律、蒸蛋、渍物和刺身三点。
鲭鱼比预期大条，非常厚肉，而且烧得十分香口，外皮焦脆，肉质又有油脂，食落唔会干争争，唧少少柠檬汁上面，已经好够味。
午市定食仲包一杯饮品或雪糕，雪糕有 Häagen-Dazs 朱古力马卡龙 同 Mövenpick 士多啤梨 2 款口味，当然唔可以错过，用嚟做饭后甜品一流！
张贴
