鮨處松戶 (彩星集團大廈)

营业中

休息中

系呢度食日本野真系好享受。见到日本厨师同埋有D日本客人,睇黎都应该好正宗先咁多日本人来食野。今晚食左好多野,有天妇罗鳗鱼,加左少少MATCHA粉,苦苦地,几特别,鳗鱼软身,天妇罗好香脆。铁板带子大大粒,个汁好惹味,加左少少柠檬汁,仲更加正。盐烧鸡翼好香,味道一流。煎鱼好滑身,鱼肉好嫩,外皮因为煎过好香。牛油果软壳蟹加州反卷有软壳蟹既脆口,又有牛油果软身既口感,好食,仲要个摆碟好靓,有叶。海鲜锅好正,好多蚝,大只又鲜味,鱼都系好新鲜既,未煮到全熟食都得,野菜品种同份量都多,好甜,个汤底都一流呀。呢度既店员好友善,同埋会KEEP住帮我地加日本MATCHA粉冲既茶。正!