MUM 日常野菜料理 (已結業)

「Mum 日常野菜料理」系一间高质嘅日本素食，基本上冇乜肉类既，多数都系以蔬菜同埋一啲嘅豆制品配合而成。简单得来，又健康美味。餐单只有一张纸，菜式选择都比较多，可以拣三𩠌$100或者四𩠌$125，已配埋五谷饭或黄姜饭，加埋味噌汤同麦茶。如果想加多一款菜式嘅话就要加多$25。由于爱丽丝系比较大食既，所以我就拣咗五个菜式。而当中我最钟意嘅就系信田卷同埋紫薯红菜头青苹果沙律。真系好好食㗎！尤其是个信田卷真系令我意想不到，用佐甜既腐皮包著萝卜豆角等等，口感非常之爽脆。爱了。仲有啊！对于一个唔钟意饮味噌汤嘅人来讲，呢个真系好掂。汤入边有好多配料。正！虽然间铺系喺food-count 入边,但环境来讲都算唔错，都比较安静。可以同朋友喺度倾吓计吹吓水。都系一个唔错嘅选择㗎！