影片
更多
2023-01-29
116 浏览
餐厅面积虽小但装潢充满心思，门口及内部放满同蚝有关嘅装饰，整体感觉好和风。而餐厅主打生蚝全部由日本冈山县北木岛喜多嬉牡蛎养殖场直送，90分钟放题（$498）入面可以任食生蚝、烤蚝、串烧及蚝制主食！头盘 - 喜多嬉九品食放题会每人先上一个丰富头盘，好靓好igable！🐚象拔蚌刺身： 薄薄一片好弹牙，味道鲜甜。🐚牡蛎刺身伴土佐酢啫喱： 生蚝好饱满，质感好滑好creamy，食落带微微海水咸味，配埋辣味萝卜蓉同酸酸地嘅醋啫喱，口感会多啲层次，亦无咁腻。🐚活烧白鳗鱼：外层烧到少少脆身，鱼肉几肥美，擦咗酱汁所以味道甜甜地。🐚月见手工烧鸡肉丸子：鸡肉丸子几扎实，入面有啲软骨增加口感，配埋蛋黄汁加多层鲜味。🐚喜多嬉牡蛎茶渍饭：汤底满满浓郁蚝味，简单但好食！❤️头盘入面仲有野菜沙律、秋葵天妇罗及天妇罗紫苏叶吞拿鱼蓉，另外生蚝及茶渍饭都系可以再encore，其他不包括系放题入面，想食要另外单点。烤牡蛎 & 烤帆立贝烤蚝每只都涨卜卜，收缩咗肉质仍然紧致，而比起生蚝，烤蚝食落会觉得海水咸味再重啲。而烤帆立贝大大只好厚肉，味道都鲜甜。串烧串烧选择大概有10款，即叫即整，比较意外呢度有七里香串烧，虽然好肥好邪恶，但
头盘 - 喜多嬉九品
食放题会每人先上一个丰富头盘，好靓好igable！
🐚象拔蚌刺身： 薄薄一片好弹牙，味道鲜甜。
🐚牡蛎刺身伴土佐酢啫喱： 生蚝好饱满，质感好滑好creamy，食落带微微海水咸味，配埋辣味萝卜蓉同酸酸地嘅醋啫喱，口感会多啲层次，亦无咁腻。
🐚活烧白鳗鱼：外层烧到少少脆身，鱼肉几肥美，擦咗酱汁所以味道甜甜地。
🐚月见手工烧鸡肉丸子：鸡肉丸子几扎实，入面有啲软骨增加口感，配埋蛋黄汁加多层鲜味。
🐚喜多嬉牡蛎茶渍饭：汤底满满浓郁蚝味，简单但好食！❤️
头盘入面仲有野菜沙律、秋葵天妇罗及天妇罗紫苏叶吞拿鱼蓉，另外生蚝及茶渍饭都系可以再encore，其他不包括系放题入面，想食要另外单点。
烤牡蛎 & 烤帆立贝
烤蚝每只都涨卜卜，收缩咗肉质仍然紧致，而比起生蚝，烤蚝食落会觉得海水咸味再重啲。而烤帆立贝大大只好厚肉，味道都鲜甜。
串烧
串烧选择大概有10款，即叫即整，比较意外呢度有七里香串烧，虽然好肥好邪恶，但啖啖鸡油香好正，而鸡大腿肉外皮烧到焦脆，正呀！
牡蛎五岛手延汤乌冬
乌冬几幼身，有啲似上海面，而面身几烟韧，汤底一样好鲜甜，面条挂满蚝汤好好味。
放题亦包饮品，有汽水及自家制冷泡茶，个人喜欢茉莉薰花茶，几清香。
餐厅嘅蚝真系几高质，个人最喜欢烤蚝及汤乌冬。如果想疯狂食蚝又想有质素，呢度会系个唔错嘅选择。
张贴
