霜月居酒屋

营业中

休息中

身边有位好中意食日本菜既朋友，咁耐冇见都系食日本野🤣🤣！今次去左间居酒屋位于佐敦白加士街，旺中带静。餐厅以木系为主，墙上挂有日本画，播放住日文歌，甚有气氛。明太子玉子烧 $48玉子烧蛋香味浓，口感绵密顺滑，仲要配搭埋我最爱既明太子酱，私心推介。牛肉秋葵卷 $33秋葵脆嫩、黏滑既口感配搭牛肉又出奇地夹，简单调味已经好好食。厚烧仙苔牛舌 $43牛舌十分厚切，入口爽脆多汁，有嚼劲而唔韧。霜月刺身五点盛 $238包括三文鱼、油甘鱼、鲣鱼、甜虾同埋带子。样样都好鲜美！三文鱼腩十分厚切😍肥美嫩滑，油脂满满，入口即溶。甜虾肉质细绵、味道甜美。霜月卷 $188卷物上面有海胆、吞拿鱼蓉同埋三文鱼籽，非常丰富。吞拿鱼蓉幼细香滑，口感软绵绵。海胆味道浓厚甘甜。文鱼籽粒粒都胀卜卜好饱满，满满鱼油渗进口中。满足。特选寿司盛 - 霜 $198呢款特选寿司盛有八款唔同嘅寿司，包括赤身、油甘鱼、三文鱼、纹甲鱿鱼、左口鱼边、甜虾、穴子同埋海胆。穴子肉质细腻鲜甜，淋上特调既酱汁，好味！海胆幼滑甘香。左口鱼边咬落既爽又甜，鱼油缓缓渗出，层次丰富。