Lockeroom Dining (朗晴坊) (已結業)

嚟开旺角，就揾一间楼上Cafe同朋友倾计食饭，喺朗晴坊呢间Cafe就脚得黎又唔会太贵，而且餐厅装饰专为足球迷而设，食物质素高👍🏻仲有啲碗碟超靓，啱晒影相😍同朋友两个女仔叫咗一个dinner set，两个小食同一份甜品，上菜速度几快，全部𩠌都热辣辣。小食叫咗一份黑松露香脆薯角，薯角炸得好脆，加咗超多黑松露，好好味。另一份小食系鸡翼🤤有咸蛋黄同水牛城味拣，两款都好入味🤤跟餐嘅南瓜汤、蒜香牛油法包、沙律完全惊喜！南瓜汤啖啖南瓜蓉，蒜蓉包烤得好香脆，蒜蓉味够浓，沙律好大碟，加上黑醋汁👍🏻Dinner set选择咗香烤牛西冷拼法国鹅肝（五成熟），西冷扒好大份！而且煎得刚好，仲有好多肉汁，鹅肝就唔洗讲，超好食🤩配料嘅紫薯蓉、蕃茄、羽衣甘蓝都配搭得好好。最后叫咗甜品-心太软配香草雪糕，心太软好大件，而且上面仲有朱古力薄片，睇住佢溶好治愈，朱古力味好浓郁，香草雪糕加埋啲脆脆都好好食。