星海薈 (利舞臺廣場)

营业中

休息中

呢间餐厅真系食极都唔厌，永远都有新菜式吸引住我，今次试吓铜锣湾分店。招牌白胡椒蟹上次食过真系返寻味，呢一碟招牌菜式梗系要再嗌啦！同上次一样，色香味俱全，胡椒味好重，肉蟹够鲜甜。冰镇花雕五头南非鲍鱼一上枱视觉效果已经够晒冰冻，有干冰衬托，鲍鱼有成5头，切成厚片，仲附上芥末同酱油。食落除咗鲜甜弹牙有嚼头，更特别系鲍鱼有浸过花雕油。令味道更独特，值得一试！黑蒜螺头炖鸡汤餐厅推荐食完蟹煲可以跟手饮呢个汤，本身听个名都怕啲蒜头味会好奇怪，点知嚟到一闻，黑蒜同鸡味两者都超级香浓！饮落去先系咸咸地，其后有种鲜甜美渗出来，原来里面仲有猪肉同螺肉吊味，仲一啲都唔油腻，好有惊喜！鲜菠萝脆皮咕噜肉打头阵见到个摆盘已经心花怒放，同一般嘅唔同，新鲜菠萝切花放一边，客人可以自行调节点配搭，食落超级甜又无渣！值得一赞系啲肉每旧都有脆皮包住，绝对唔系炸粉𠮶种口感，内里爽弹好似猪颈肉咁嘅口感，不起仲每旧都有拔丝效果，酸甜度适中，好味！环境一样舒服，楼底好高。