龍景軒

营业中

休息中

一直都好想试下四季既中菜，终于都有机会黎一试，服务系完全冇令我失望，食物都冇可挑剔。但以米之莲黎讲，就觉得略嫌逊色左小小，特别系个wine pairing ，酒既质素非常一般。所有食材都好平稳，冇太大既惊喜。炸蟹盖既炸粉冇咁厚比其他米之莲中菜好，食完唔会觉得好滞。羊肚菌菜胆炖辽参喺成个menu 中系比较突出既一个，用汤整既辽参，非常入味，好鲜甜。和牛柳粒都好特别，佢系有小小炸粉喺面，入口有外脆内软既感觉，juicy 。蚝皇三十头吉品鲍拼星斑柳冇想像中咁出色，但鲍鱼味都好浓郁。个signature 龙景轩炒饭，满满海鲜粒，口感好丰富，个饭都炒得好干身。Overall ，成个体验我都好满意，虽然wine pairing 既酒唔出色，但个品酒师都好乐意听我地既意见。