孖啡 (已結業)

軟殼蟹黑松露意大利粉 $92 （配$38飲品一杯）好大隻軟殼蟹！！！😍就有我手掌甘大。軟殼蟹炸到金黃鬆脆，粉漿唔厚，好好味。忌廉黑松露汁分量岩岩好，而且唔會太稀或者太杰👍，仲有好多蘑菇片，即使食晒都無濟既感覺。值得encore~🌟煙三文魚意大利烘包 $74好健康既餐，除左有沙律，包入面有好多蔬菜💚。烘包睇落好似好乾，不過勝在蔬菜多汁同埋有醬，食落一啲都唔乾，但麵包邊有少少燶，脆口到似食緊麵包乾🤣，三文魚有煙燻味。薯條好飽滿唔空心👍，好足料，即使擺左一陣凍左都無淋。熱生薑蜜 跟餐加$2冬天飲好暖胃🥰，唔係好甜，薑好辣，飲完暖笠笠。水蜜桃紅茶雖然係水果茶包，淡淡蜜桃味，但唔太甜，個人幾鍾意😛。