韓珍 (帝國中心) (已結業)

好耐都冇食韩烧啦，之前同朋友食过韩珍印象几好，所以今次朋友聚餐又拣咗嚟韩珍。入到餐厅已经见到好多韩国人都有光顾，而且系韩国老板主理，味道真系够晒正宗呀😆 我地叫咗两份烧烤嘅肉、芝士炒年糕同水冷面。除咗叫嘅菜式之外，佢哋嘅前菜仲非常丰富，仲会送铁板鸡蛋饼添呀😍-特级牛肋骨牛肋骨系整条上嘅，一睇色泽就知道够晒新鲜。店员好热心咁帮我哋烧，烧完再剪开一块块就得架啦～ 牛肋骨食落牛味十足，肉质嫩滑多汁，同时油香四溢，配埋生菜包住食真系味道口感一流👍🏻-辣护心肉调味系辣辣地甜甜地嘅几惹味，但又唔算太辣。护心肉份量好多又大块，适合多人share，性价比几高。肉质带点咬口，味道就几惹味～-芝士炒年糕呢份炒年糕真系好惊喜呀❣️味道可以话同韩国嘅非常相似🇰🇷 而且芝士份量真系非常足料，炒年糕味道惹味又唔会太辣，里面仲有鱼糕片添呀😋-葛根水冷面上菜嘅时候韩国人老板好热心咁帮我哋剪开冷面同介绍冷面嘅食法超级nice😆 水冷面份量超足料，应该3-4人分享都得。呢款冷面嘅面质好有咬口好烟韧，汤底味道清淡，配料有鸡蛋、青瓜丝等，建议配埋芥末酱食别有风味哦😋