木船 (已結業)

今日带我宝贝仔去剪毛，其实早几日经过呢度都发现新开左呢间餐厅，咁就等丫仔剪毛其间就同男友撑下枱脚啦装修有别于以前对泰国菜餐厅既feel,我反而觉得自己入左间西餐厅。菜单好厚，好多野食拣。头一页仲教大家讲泰文，可以等上菜之前同朋友试下读，都真系好搞笑公车谂霸，其实就系泰式生虾，非常新鲜甜美，厚厚既蒜片加埋辣椒，点埋佢个酸辣酱，好好吃哦泰式柚子沙律，柚子唔酸，配埋洋葱，椰子丝等等，酱汁系辣既，非常开胃脆爆芒果园，系芒果乳酪沙冰，面头系甜忌廉，芒果粒同爆谷，仲有一粒芒果雪米滋，超好味，沙冰第一啖有益力多味，但饮耐左似芒果布甸黄咖哩牛腩加蒜蓉包。蒜蓉包好香脆，咖哩超够味，不过牛腩有一两旧过硬，但个咖哩汁捞蒜蓉包真心屈机招牌菠萝炒饭配虎虾。虎虾超大只，上面个串烤菠萝都超甜。炒饭店员仲话可以捞泰式辣酱食，别有一番风味可能两个人食呢个价你会觉得太和呢个地方偏贵，但无论系服务，环境，菜式摆盘同味道，我绝对认为系物超所值