阿爺八鮮鍋

营业中

休息中

鸡煲放题就食得多，连海鲜都任嗌任食真系唔多。阿爷八鲜锅有2.5小时嘅河鲜海鲜鸡煲放题，食材超级丰富，每位已经包咗个升级海鲜盘🦞🦐，有越南大虎虾、澳洲龙虾、苏格兰蛏子、大元贝、奄仔蟹同新鲜鲍鱼。全部都超生猛劲新鲜，未食鸡煲之前食海鲜都已经饱咗五成，海鲜控一定唔可以错过😋要赞一赞个无花果汤，真系只此一家，清甜得嚟煲得好入味，一啲味精都冇，忍唔住饮咗好多杯😝餐厅仲做紧限时优惠，正价时段加$128仲有象拔蚌刺身任食。如果系5:00-7:30pm呢个时段，Like 社交平台即送一客象拔蚌刺身😍啲刺身真系一啲都唔惹少，超级甜味，仲好爽口，$128可以任食绝对系物超所值。另外，餐厅仲有每枱抽奖环节，抽中嘅幸运儿送一客桥底辣蟹🦀只蟹都几大只，用椒盐加黑椒粒炒特别惹味，蟹肉鲜美，好食到连蟹壳都唔放过😝鸡煲都有三款拣，有泰式酸辣、韩式芝士同经典四川麻辣。我哋拣咗四川麻辣鸡煲，鸡件份量一啲都唔少，而且啖啖肉，愈煲愈惹味。食完鸡煲仲可以继续任食河鲜、海鲜、猪牛羊同其他蔬菜，真系超级满足。整体嚟讲，餐厅诚意十足，一间餐厅包办晒高质海鲜、刺身、桥底辣蟹同鸡煲，如果想一次过试晒咁多款美食，一定唔可以错过😍阿爷八鲜锅