影片
更多
2022-07-13
40 浏览
作为喜爱边炉嘅人类，梗系要去下唔同地方打边炉，今次呢间火锅撚喺唔同地区都有分店，不过感觉少来港岛区，所以特意book中环店，食完又可以行下。作为freelancer嘅好处就系可以早啲嚟早啲食早啲享受～所以基本上喺大家未放工嘅时间我已经到咗，来到时好似无人好静咁，但其实一路食就一直入座。呢度风格好有旧中国嘅感觉，门口有个士兵，有啲怀旧嘅灯笼、字画等，用嘅碟、茶壶都好怀旧中国feel，几正！特别一提，舖头嘅playlist都系80年代，甚至更旧嘅歌，真系好复古！讲返嘢食先，呢度唔系任叫，睇落好似唔抵，但其实食得多就觉得宁愿食好啲，食得够就得，呢度系用QR code落单，嘢食选择都几多，肉、海鲜、饺、丸、菜都好齐全，而作为食肉兽梗系点唔同嘅肉喇～先讲讲个汤底，本身一见到胡椒猪肚汤就心心眼，但原来西环店先有，留名等下次有机会再试！然后本身想食沙嗲汤，但因为有麻辣，唔食得辣嘅我怕食唔到，所以要咗个双拼，加多个白汤锅。沙嗲汤叫咗小辣，但一食就feel到个辣味，系惹味嘅。素汤就好足料，有党参、龙眼肉、红枣，汤底好清甜。火锅撚御用手切肥牛（半份）每块都算大件，同埋味道都唔错。日本A4级特级霜降和牛（小
作为喜爱边炉嘅人类，梗系要去下唔同地方打边炉，今次呢间火锅撚喺唔同地区都有分店，不过感觉少来港岛区，所以特意book中环店，食完又可以行下。
作为freelancer嘅好处就系可以早啲嚟早啲食早啲享受～所以基本上喺大家未放工嘅时间我已经到咗，来到时好似无人好静咁，但其实一路食就一直入座。
呢度风格好有旧中国嘅感觉，门口有个士兵，有啲怀旧嘅灯笼、字画等，用嘅碟、茶壶都好怀旧中国feel，几正！特别一提，舖头嘅playlist都系80年代，甚至更旧嘅歌，真系好复古！
讲返嘢食先，呢度唔系任叫，睇落好似唔抵，但其实食得多就觉得宁愿食好啲，食得够就得，呢度系用QR code落单，嘢食选择都几多，肉、海鲜、饺、丸、菜都好齐全，而作为食肉兽梗系点唔同嘅肉喇～
先讲讲个汤底，本身一见到胡椒猪肚汤就心心眼，但原来西环店先有，留名等下次有机会再试！然后本身想食沙嗲汤，但因为有麻辣，唔食得辣嘅我怕食唔到，所以要咗个双拼，加多个白汤锅。沙嗲汤叫咗小辣，但一食就feel到个辣味，系惹味嘅。素汤就好足料，有党参、龙眼肉、红枣，汤底好清甜。
火锅撚御用手切肥牛（半份）
每块都算大件，同埋味道都唔错。
日本A4级特级霜降和牛（小）
没有比较没有伤害，望到啲油花已经心心眼，手切肥牛系好味，呢个就系好好好好味！同埋佢有个温馨小提示就系「只需灼6秒」，为免渌衰块靓牛，特登较timer计时，6秒可能仲会有少少红色，睇大家嘅接受程度，唔想太生就可以灼多一下，但其实呢啲靓牛都唔怕。虽然呢块牛相对手切系比较薄，但其实呢种油花重嘅牛唔使太厚，咁样一片片食仲滋味，同埋都好够。真心推介！
羊肉片
唔知大家钟唔钟意食羊肉，我都几钟意，仲要觉得有少少膻先感觉到食紧羊！呢只羊肉片拿挰得几好，有啲膻味而唔会觉得好大阵味而接受唔到，而羊肉片我系推介落喺沙嗲汤底，浓味撞浓味系几正。
饺子拼盘
有四款唔同饺，应该系云吞、韮菜饺、鱼皮饺，仲有一款都系虾，但又唔知叫咩饺。啲饺嘅皮比较薄，我哋用夹放落锅时有一只会夹到个皮，而饺嘅size系几好，唔算劲大只，但因为皮薄，啲料好足！
丸拼盘
共有五款丸，贡丸、虾丸、猪肉丸、鱼蛋、芝心丸，想特别一提虾丸，渌之前明显见到啲虾肉，真材实料！！
最后埋单时送咗个甜品 - 腐竹蛋糖水沙冰！！配以一个怀旧特色小杯，加埋系沙冰嘅texture，本身已经觉得好特别，饮落又觉得唔会好冻同好甜，呢个size又几好，钟意呢个惊喜！
张贴
