本色鍋品料理

营业中

休息中

行开去北角，讲起想打边炉，就去左呢间铺。净系拣火底都谂左好耐，个个都好吸引，最后叫左个花胶乌鸡美人汤做汤底。员工建议饮左个汤先再落野打边炉，真心冇介绍错，成只乌鸡同大大旧花胶喺个煲度，未饮已经流晒口水。饮落劲正，十足老火汤一样。一嚟已经比我连饮左两碗。之后我地叫左个细嘅牛拼盘、手工丸、粟米、乌冬、水莲，啲牛同手工丸可以话系必点，真心好食。大家可以试下唔点任何酱就咁食牛，牛味好浓，好食！手工丸一出场个卖相已经赢任食边炉九条街，即刻停晒手post个ig story先！太心急啦，见到个蟹子鲜虾丸熟咗拿拿林夹起放入口，一咬啲芝士爆出嚟，差啲灼伤个嘴。食落又弹牙，值得推介。另外大家都可以试下猪肉丸，一样弹牙好食。打边炉必食嘅乌冬同粟米好似好普通咁，但同样有惊喜。个美人汤底配乌冬真系一绝，好夹味。粟米一上台已经见到粒粒都生到大大粒胀卜卜，果然食落真系超甜。食完想encore，不过真系太饱。呢餐真心系我近年食过好食嘅边炉，比呢个价系食返有质素嘅野，埋单都埋得甘心啲。PS:食食下电话冇电，好彩佢地有得借充电器。