影片
更多
2024-01-14
81 浏览
天气冻冻哋，最钟意同朋友打边炉，位于天文台道地点方便，仲有泊车优惠，唔使周围揾位，直接泊入去。「酒锅」主打高质海鲜火锅，装修以深木色为主，楼底高，天花玻璃大吊灯，灯光昏暗好有气氛，配搭中国宫廷风嘅装横，墙上鲜色大壁画带点玩味，非常打卡able。有露台户外座位，设有VIP房，独立梳化卡座坐得舒服，店员亲切有礼。听住音乐，同朋友无限时慢慢食倾吓偈，好chill。餐厅主打多款特色汤底，今次我哋拣咗「全要二人餐」每样都有好抵食，好满足。ღ全要二人餐 (2位起) $388/1位⊛ 黄金美人锅胡椒猪肚花胶黄金鲜鸡汤，一滚起先饮碗头啖汤，金黄色汤底应该系用咗好多鸡去熬制，啖啖鸡嘅精华，鲜味浓郁，带有胡椒香，有红枣、葱，猪肚好谂又入味，食极都仲有，汤料完全唔吝啬，鸡同花胶系分开上，等客人可以按喜好调节熟度，都有四份一只鸡，鸡件全部都系靓嘅部位，无下栏位，肉质嫩滑，花胶都有好多件，份量十足，饮完都觉得靓咗，个汤底无得输。⊛ 黑毛和牛 (6片)大大片，油花比例适中，色泽红润，涮一涮就最好味，口感软嫩有嚼劲，牛味浓郁。又可加$98转安格斯小挂架。⊛ 2人海鲜拼盘全部都好新鲜，而且处理得好干净。⊙扇贝~大只鲜
天气冻冻哋，最钟意同朋友打边炉，位于天文台道地点方便，仲有泊车优惠，唔使周围揾位，直接泊入去。「酒锅」主打高质海鲜火锅，装修以深木色为主，楼底高，天花玻璃大吊灯，灯光昏暗好有气氛，配搭中国宫廷风嘅装横，墙上鲜色大壁画带点玩味，非常打卡able。有露台户外座位，设有VIP房，独立梳化卡座坐得舒服，店员亲切有礼。听住音乐，同朋友无限时慢慢食倾吓偈，好chill。
餐厅主打多款特色汤底，今次我哋拣咗「全要二人餐」每样都有好抵食，好满足。
胡椒猪肚花胶黄金鲜鸡汤
5 浏览
0 赞好
0 留言
ღ全要二人餐 (2位起) $388/1位⊛ 黄金美人锅
胡椒猪肚花胶黄金鲜鸡汤，一滚起先饮碗头啖汤，金黄色汤底应该系用咗好多鸡去熬制，啖啖鸡嘅精华，鲜味浓郁，带有胡椒香，有红枣、葱，猪肚好谂又入味，食极都仲有，汤料完全唔吝啬，鸡同花胶系分开上，等客人可以按喜好调节熟度，都有四份一只鸡，鸡件全部都系靓嘅部位，无下栏位，肉质嫩滑，花胶都有好多件，份量十足，饮完都觉得靓咗，个汤底无得输。
黑毛和牛
3 浏览
0 赞好
0 留言
⊛ 黑毛和牛 (6片)大大片，油花比例适中，色泽红润，涮一涮就最好味，口感软嫩有嚼劲，牛味浓郁。又可加$98转安格斯小挂架。
2人海鲜拼盘
4 浏览
0 赞好
0 留言
⊛ 2人海鲜拼盘全部都好新鲜，而且处理得好干净。
⊙扇贝~大只鲜甜，厚肉弹牙。
⊙蛏子皇~好新鲜，爽口肥美，唔好渌太耐。
⊙海虾~系俾海棕虾，比起基围虾特别鲜甜爽口。
⊙沙白~肉厚饱满，海水味浓。
如果想食多啲仲可以用优惠价$268，加细澳龙虾或者波士顿龙虾。
黑松露虾蟹饺、鱼皮饺
0 浏览
0 赞好
0 留言
⊛ 黑松露虾蟹饺 (2只）一咬落去，满满黑松露香气，原只大虾爽口弹牙，感觉矜贵，推介之选。
⊛ 鱼皮饺 (2只）饺皮烟韧，入口爆出猪肉馅油脂。
手打芝士虾丸、手打墨鱼丸
8 浏览
0 赞好
0 留言
⊛ 手打芝士虾丸 (2粒）虾滑味道鲜甜，咬开系流心爆浆芝士馅，浓郁芝士味，口感满足。
⊛ 手打墨鱼丸(2粒）
大粒，墨鱼味浓郁，非常爽口弹牙juice。
蜂巢豆腐
8 浏览
0 赞好
0 留言
⊛ 蜂巢豆腐(4件）火锅好伴侣，韧劲口感，好似海绵充满细孔，吸晒汤汁精华好滋味。
2人蔬菜拼盘
4 浏览
0 赞好
0 留言
款式多，有唐生菜、紫生菜、油麦菜、旺菜、南瓜片，珍珠荀、椰菜花，车厘茄。
Cucumber & Lime、Summer Delight
8 浏览
0 赞好
0 留言
⊛ Cucumber & Lime $58
新鲜青瓜、青柠加埋甘蔗凉茶，低甜清新又解喝。
⊛ Summer Delight $58
新鲜芒果汁同菠萝汁，加自家制洋甘菊糖浆，酸酸甜甜，充满果香，好fresh。
#酒锅地址：尖沙咀天文台道8号2楼1号舖
张贴
