熺會館

营业中

休息中

今晚同事聚会，一行十一人去佐尖沙咀山林道呢间熺会馆打边炉🍲，离远已经见到大大个招牌写住熺会馆，门面好靓好高档，入去之后安排佐我哋坐房，内边环境装修都好靓，间房好大，一张大枱可以坐15个人，有两个电视机📺，仲有几张沙发🛋️俾人坐系度唱k, 仲有一个好大嘅独立厕所，张枱一开始巳经摆咗一套好靓好靓嘅壶同杯仔，好得意😎，我地叫佐普洱茶，够晒健康，见到有三个炉，我哋开始嗌嘢食，首先拣咗汤底先，一个麻辣汤底，一个冬瓜瑶柱汤底，再加一个椰子鸡汤底，之后当然就系最靓嘅牛肉啦，手切封门柳，边爪，牛颈脊，再叫佐三个刺身，一个系雕鱼，另一个系大鲍鱼刺身，仲有个象拔蚌刺身，一上佐刺身大家已经惊叹话好靓呀，不停影相📸️，味道超级鲜甜，好正，之后开始上汤底同牛肉，个椰子鸡汤非常非常之甜，麻辣汤底真系好辣，冬瓜汤底好清好好饮，个汤底一滚第一时间放牛肉落去，果然好嫩好有牛味，忍唔住叫多一轮牛肉，除咗呢啲主菜，当然唔少得打边炉🍲必嗌嘅蔬菜🥬，饺子🥟，虾滑，响铃，生根，面同乌冬啦，再嗌佐啲饮品同啤酒🍻啤啤佢，最后仲有生果食，一路唱下歌一路睇电视📺一路食嘢，有机会会再嚟