尚鮮海鮮料理

营业中

休息中

今日来了朋友推介的高质餐厅打边炉！手切安格斯牛肉每片肉都鲜嫩多汁，入口即溶。牛肉片的厚度都很均匀，渌一渌即食，保持了肉质的鲜美。黑豚肉片呢度的豚肉片同坊间的不一样，望落个样似日式叉烧，食落入口即溶，肉味浓郁。芝士狮子狗本身朋友叫呢碟仲谂住甘常见，但系呢款狮子狗同出面的完全唔一样！呢款芝士狮子狗入面有浓郁的芝士馅料，超级爆浆！仲有丰富的口感和奶香味道。双拼饺（木耳鲜虾云吞、西洋菜香菇饺）云吞的皮薄馅大，内馅鲜美，仲有只大虾。西洋菜饺的馅够新鲜，仲有少少清爽的口感。四色丸包括墨鱼丸、鲜虾丸、牛肉丸和猪肉丸，唔好以为每一款都咁单调咁普通，其实每一款内里都有唔同流心馅，例如黑松露等等！最后要提到的是醉鸡汤底。以醉鸡为基础，加入多种中药材熬煮而成。汤底鲜香浓郁，带有微微的酒香。鸡件份量多，亦都非常滑身。