旅鍋火鍋私房菜專門店 (已結業)

难得出咗嚟尖沙咀打边炉，真系花多眼乱好多选择，每次都要谂咗好耐先至决定到食边间，而今次就食呢间叫旅锅！呢度嘅装修几特别，全部都系以旅行主题为主，可能知道大家好耐都冇去旅行，装修都用旅行主题去迎合大家嘅喜好！呢间打边炉店都唔算开咗好耐，但呢度有几间独立嘅房间，如果一大班朋友过嚟嘅话，可以book间房，好有私人空间，仲有电视睇添！只要符合低销就可以包厢！我哋叫咗一个火锅套餐，都几抵食，四百几蚊有好多嘢，而我觉得呢度啲材料都几新鲜，海鲜又几好食！仲有好多唔同部位嘅牛可以选择，都几正几吸引！三个人食都系食咗千五蚊落楼，平均每人$500抵食到咁高质素嘅嘢食，真系觉得好抵！如果食任食火锅，一定食唔到呢个质素！