味火鍋 (華僑商業中心)

火锅放题食得多，但好少火锅放题会好似呢一间咁，直接送半只龙虾俾你依间火锅放题，只要$318就可以，首先一入坐就有四个小菜俾你食，包括云耳，青瓜，盐酥鸡同埋中华沙律，然后就可以拣一个头盘。头盘可以选择酸菜鱼，鸡煲，生蚝或者半只龙虾。我就拣咗半只龙虾，味道都唔错，至于汤底就拣咗花胶鸡汤底。依间嘅花胶鸡真系好高质，花胶滑得来亦都好弹牙，鸡件系用乌鸡至于其他火锅配料亦都唔马虎，首先会有海鲜拼盘同埋一碟好靓嘅牛，之后就有得用QR code点其他火锅配料。另外不得不提嘅系，佢嘅饮品柜之中，居然有提供玻璃樽汽水，真系劲难得。而且每一座嘅枱面亦都会有开瓶器，同时亦都会有开蟹嘅工具提供，可谓相当贴心。