七輪燒肉 (已結業)

手打乌冬热腾腾香喷喷，汤底非常香浓美味，d乌冬好有水准，好滑。味道真系好香，同埋系新鲜滚热辣！！乌冬吸收咗入味嘅汤底，超正丫，豚肉口感好弹牙，食得出d食材靓。店员好热心介绍唔同既牛比我地选择，仲分享左好多食烧肉既心得！！获益良多！一口牛嘅口感好好丫，睇上去卖相非常新鲜。加少少海盐一齐食更加带出到牛肉香味。牛肉油脂平均分布，牛味香浓。烧一阵就可以即刻食。烧完之后肉汁仍然保留到。由于已经切成正方形状，真系非常易烧，入口即溶。韩国和牛肩肉油花好足够，肉感细绵幼滑，同日本和牛比较既话，少d浓香感觉，但口感比较弹牙。好味道除左呢杯饮品，我仲叫左杯巨峰果汁，但无影到相，巨锋果汁唔系倒d普通梳打入去，饮得出用左真巨锋汁制作而成，个味道鲜甜得黎唔会系好假果d甜味。