和牛燒肉一郎 (百誠大廈)

营业中

休息中

由于我同男朋友都好喜爱食烧肉，之前食过呢间嘅铜锣湾分店都觉得唔错，今日嚟到佐敦分店嚟庆祝佢嘅生日。首先要称赞嘅系平时烧肉店好多时都系污烟漳气，但呢间嘅餐厅通风系统做得十分好。座位又超级阔落，私隐度高，令到你烧完之后唔会成身油烟味，都系令我不断帮衬嘅原因。今次我哋食B套餐458 +1，25款精选牛肉，连埋海鲜，鸡，猪，蔬菜，熟食炸物等总共有102款，选择花多眼乱。首先上枱的是Course B预设的桶·盛合与舟·盛合，有鸡肉，腩肉，牛肋肉，牛里脊，带子以及虾。摆盘好打卡靓，味道又够晒新鲜。最特别就系佢个雪糕放题，有好多款唔同嘅日本雪糕，你可以一口气试晒咁多款式。呢度嘅店员都10分好服务，佢哋都系会主动问你需唔需要换过网，同都会教你点样可以烧比较好食，真系抵赞，食到我哋都好满足。