七輪燒肉 (已結業)

今日黎左呢间日式既烧肉店 门口见到就已经好有日本feel 入到去周围都好干净 一d都唔油 仲有木既设计令人感觉好舒服 见到菜单上面有和牛刺身 我地二话不说就叫左黎试真系可以生食架 上面仲有个冰底冻住d牛 保持新鲜 和牛既雪花好均匀好靓 仲有个特制酱油 好鲜味 之后仲叫左一大块牛排同牛柳粒 牛排就系职员同我地烧埋 真心好大块 好多肉汁 因为系即烧 所以唔会过熟 牛柳当然又易烧又好味啦 之后仲叫左d鸡柳黎烧 鸡柳好滑好香 我煮野既手势都唔错 仲可以加少少柠檬汁更正 食左咁多肉 我地就叫左个沙律同玉子 玉子原来仲有加芝士！！！ 真系好邪恶 最最最最后  当然加埋个甜品就perfect la 有个豆腐雪糕 呢个真系几好 唔太甜 不过豆腐味好轻 本身想试清酒雪糕 可惜无晒 好在去得早 人唔多但之后我地走个时就差唔多满晒人 当然人多既结果当然就系油烟味多啦 不过好在系我地食到差唔多既时候先大味 烧左成个几钟件衫都无味