天龍燒鵝 (昌業大廈)

营业中

休息中

放工喺湾仔附近食饭，老公话带我去食好嘢，我心谂烧味饭会有几好食，点知呢度啲烧鹅同埋乳猪真系好正。原来呢一间餐厅系由米芝莲二星中菜部主厨创业，唔怪得知咁有水准啦，加上我见餐厅keep住烧乳猪烧鹅，唔系一早烧定晒好多货，真系新鲜好食。原只烧鹅髀拼乳猪一人餐 $180烧鹅髀个皮烧得好靓，酥脆得嚟又唔会干，肥美得来又唔会好多肥膏，肉质鲜嫩沾上酸梅酱好好食，食髀真系唔同啲。乳猪好鬼正，啲皮酥脆，唔硬，带少少烟熏香，乳猪唔会全部都系肥膏冇肉食，呢度啲乳猪系一层脆皮，然之后一层薄薄肥膏仲有充满肉汁嘅嫩肉。一人餐跟一碗饭、一个小食，即系腌青瓜云耳，同埋一碗老火汤。叉烧拼油鸡饭 $60油鸡好有惊喜，我哋冇特别加价要髀位，但系都好滑好滑，豉油味就正常，配蒽蓉食好正。叉烧就正正常常，唔干唔柴，都几稔，如果想再好食啲，可以加$5要肥㶶腩叉。凉拌海蜇 $50我仲加咗呢个小食，海蜇爽脆爽脆，少少辣，好开胃。